TANPA KENDHAT

TANPA KENDHAT

                        Patuladhan kang ora kepangan mangsa

                        Sliramu ora wicara nanging tumindak nyata

                        Sikil kanggo sirah, lan sirah kanggo sikil

                        Mung kanggo nyambung lakuning laku

                        Kang wus kebletheng ing wektu

                        Kaya kebo kabotan sungu

                        Aku ngerti sliramu rumangsa kesel

                        Aku krasa sliramu rumangsa rekasa

                        Aku krungu sliramu datan buru napsu

                        Nanging …

                        Ngudi jejeging kendhil

                        Udan panas datan rinasa

                        Rina wengi ora dirasa memala

                        Reget resik ditampa kanthi narima

                        Adoh cedhak diupadi kanggo cukup butuhing tedha

                        Kabeh dilakoni tanpa kendaht ing mangsa.

                                                                                    A. Sardi