NANTANG PANANDHANG

NANTAN PANANDHANG

(nyadhong duka Gusti

Kepeksa aku kudu wani…. )

Napa malih

Laku wis kesandhung watu maewu-ewu

Pengarep-arep wus katututp pedhut

Kebletheng ing tengahing pepeteng

Ngambah dalan blethok

Kebak ri rerondhetan

Sirah kaya kesamber thathit lan bledheg

Kudu ngampet luwih lan ngelak

Daya pepes nemahi nasib apes

E … kok saiki isih diparingi

Pacoben kang nggegirisi

Mencok ing jiwa lan raga tan gelem keri

Apa iki wis pepesthi

Kudu daklakoni

Tumekaning pati?

Ora ….

Aku ngandel lan percaya

Iki dalan kang kudu daksangga

Iki pacoben kang kudu dakadhepi

Iki panyapa kang kudu daktampa

Ing titi wancine

Aku bakal nemu mulya.

                                                            A. Sardi