KANGEN CRITAMU
Aku isih kelingan
Nadyan prastawa wus kepangan jaman
Nalika lungguh sesandhingan
Ing sadawaning sawah galengan
Sinambi nyawang kahanan
Ngetung cacahing lintang ing awang-awang
Nyandhing wengi kang tintrim kebak
wewadi
Kairing swara kewan sawah kang terus
nyanyi
Karo nunggu ilining banyu mlebu tulakaning
sawah
Crita pengalaman pait getiring jaman
Crita nalika kudu pasa amarga kurang
pangan
Crita lara lapa rekasane ngudi urip kang
tansah kapiran
Nanging …
Kabeh mung kari crita kang kasimpen ing
njero dhadha
Sliramu wus sewu dina ninggal aku
Mburu kamukten jati
Marak ngarsane Gusti.
A.
Sardi
Tidak ada komentar:
Posting Komentar