NYADHONG PITULUNGAN

NYADHONG PITULUNGAN

Aku getun

Aku keduwung

Ngapa lakuning uripku

Nurut dalaning napsu kekarepanku

Kamangka

Tekening kalbu

Wus nuduhake endi dalan kang kudu diluru

Cahya padhang endi kang kudu diparani

Saiki

Ing papan panggesangan iki

Ing titi wanci wingi tumekaning saiki

Aku dheprok

Ora bisa alok

Dhuh..

Tanganku gemeter kedher

Driji binuka nyadhong duka

Ati nggrantes apes tumpes pepes

Kelangan mitra lan kanca

Nuuwun pitulungan

Nyadhong kawelasan

Njeritake panandhang.

                                    A. Sardi