ING
PETURON IKI
Aku pasrah
Marang dawaning wengi
Njaga jiwa ragaku ngranggeh sepi
Ngrangkul donga muga sesuk bisa tangi
Nyangking daya dawa kanggo netepi janji
Ing sadawaning wengi
Lakuning laku jumedhul lelakon nyala
wadi
Sliramu kang saiki wis ora nyawiji
Teka nggawa esem merak ati
Paweh panyapa ing alam impi
Ngapa aku gumregah tangi
Ngupadi apa kang dumadi
Sliramu sambat nyuwarakake panandhanging
ati
Lan, nyuwun supaya diamping-ampingi
Kareben bisa luwar saka urip kepatri
Nganti tumekan saiki
Cekaking crita impi isih tumali
Badhar dadi wewayangan nedya ngupadi
Sedyaku pengin nglari
Nanging ngapa angel anggone ngilangi ?
A.
Sardi
Tidak ada komentar:
Posting Komentar