MARUTANING ASMARA

MARUTANING ASMARA

Ngapa kowe teka tanpa paweh warta

 Kaya ora ngerti suba sita

  Nggeterake lawanging dhadha

   Kareben gelem ngrasa surasaning asmara

    

Ngapa kowe ngganda aruming puspa

 Ngganda wewangen sajak kebak ing kapang

   Ngrerepeh sedheku nyuwun kawelasan

     Atiku wis garing nglenthing emoh nyandhing

o… marutaning asmara

 nggeblasa lunga

  tinggalen angga

   kairing mantra

            o, marutaning asmara

              aku titip kandha

                marang rembulan ngemu cahya

                  aja pisan-pisan nyampyuk kaendahan 

                                                                                    A. Sardi