SURASANING RASA

SURASANING RASA

Yen sikil entuk ngudarasa

Mungguh kaya ngapa sambatnya

Sadina-dina kudu nyangga raga

Datan nggresula lan sambat lara

            Yen padharan bisa carita

            Rasaasa rasane luwih rekasa

            Prasasat papan buwangan uwuh mayuta-yuta

            Tan ana sing mbela

Yen mripat bisa kandha

Ora bakal tinemu rasa gumbira

Sakabehing sesawaangan endah ilang muspra

Mula mripat kang paling manjila

            Yen tangan bisa crita

            Kunci panguripane manungsa iki ….

            Sakabehing kabutuhan bisa kacukupan

            Marga anane tangan.

                                                            A. Sardi