KIDUNG DONGA TENGAH WENGI

KIDUNG DONGA TENGAH WENGI

Dhuh, Sang Hyang Jagad Widhi

Keparenga abdi Dalem sungkem ing pada Paduka

Nedya napaki lan ngonceki tapak lakuning laku

Dene sikil tansah katriwal lan kesandhung watu

Dhumawah ing lemah nedya pasrah sumarah

Dhuh, Sang Hyang Mawikan

Keparenga abdi Dalem maknani aji

Nlesih lan nliti tuwuhing wiji

Kenging menapa tinemu piwales piala

Tebih saking kekudangan samekta

Dhuh, Sang Hyang Bagaskara

Keparenga abdi Dalem kasunarana

Cahyaning Roh minangka tekening amba

Ngambah lan ngicipi wohing kapitadosan

Methik gegadhangan

Dhuh, Sang Hyang Pinuji

Keparenga nuduhaken margining suci

Supados saged ngraosaken badharing impi

Nyecep tirtaning swargi

Kangge sangu nenepi dhiri.

                                                A. Sardi