PUNGKASAN

PUNGKASAN

Nalika sang bagaskara angslup mega

Rasa panalangsa iki mubal kaya prahara

Jumedhul saka satengahe samodra

Nampek kaya mecah-mecahna dhadha

Lelakon lawas tuwuh ngambra-ambra

Sinengkuyung swara ombak sambat ngaluwara

Watu-watu karang kabodan dosa angkara murka

Swara jerite manuk-manuk camar kebak dosa

Rikat laku lakuning wengi

Miyak lan mbukak wewadi

Janji-janji kang wis tumali dadi siji

Kabukti

Janji durung kasil kabukti katetepi

Dalaning pepesthen wis ngenteni

Kudu ditampi

Saiki

Gusti nimbali

Sowan ngabekti

Mati !

                                                            A. Sardi