NGENUT ILINING TIRTA

NGENUT ILINING TIRTA

Urip iki arep mili menyang ngendi

Aku mung sedrema ngetutake tirta mili

Tumuju papan kang durung dakngerteni

Pengarep-arepku mung siji

Muga bisa ngambah donyaning suci

            Urip iki tan beda kaya tirta

            Kadhang nemu begja lan cilaka

            Kadhang manjila lan tumiba

            Ora bisa nolak mung sedya nampa

            Abot enthenge mung kari anggone ngrasa

Urip iki kaya pancuraning tirta

Kanggonan wektu wengi kalawan rina

Kasinungan susah lan gumbira

Ora perlu tidha-tidha narima

Bareng sadawaning mangsa.

                                                            A. Sardi